Muesli-beskuit

Ingredients

• 200 g hawermout (2 koppies)
• 1 koppie pekanneute, grof gekap
• ½ koppie sonneblomsaad
• ¼ koppie lynsaad
• ¼ koppie chia-saad
• 75 g Weet-Bix, verkrummel (1 koppie)
• 40 g klapper (½ koppie)
• 30 g semels (1 koppie)
• 125 ml sonneblomolie (½ koppie)
• 125 ml heuning (½ koppie)
• 500 g bakmargarien
• 2 koppies suiker
• 750 ml karringmelk (3 koppies)
• 4 ekstra groot eiers
• 1,5 kg bruismeel
• 40 g bakpoeier (3 eetlepels)
• 7 ml sout (1½ teelepels)

Method

1. Meng die hawermout, pekanneute, sonneblomsaad, lynsaad, chia-saad, Weet-Bix-krummels, klapper en semels. Voeg die sonneblomolie en heuning by en meng goed.
2. Sprei die mengsel op ’n groot bakplaat uit. Bak 15–20 minute by 180 °C totdat dit begin verbruin; roer dit af en toe. Laat effens afkoel.
3. Verhit die bakmargarien en suiker saam totdat die suiker gesmelt het. Haal van die stoof af.
4. Klits die karringmelk en eiers saam en roer dit by die margarien-en-suikermengsel.
5. Sif die bruismeel, bakpoeier en sout saam. Voeg die muesli by en meng. Voeg dit by die vloeistofmengsel en meng goed.
6. Skep die deeg in ’n gesmeerde, plat oondpan van 90 cm. Bak 30 minute by 170 °C tot goudbruin en gaar.
7. Laat die gebakte beskuit ’n paar minute in die pan afkoel en keer dit daarna op ’n draadrak uit om heeltemal koud te word.
8. Sny die afgekoelde beskuit in beskuitgrootte stukke. Droog die stukke oornag in ’n koel oond met die oonddeur op ’n skrefie oop.